Your cart
There are no more items in your cart
Prof. Jorgji Gjikopulli, një ndër emrat më të spikatur të pikturës shqiptare të më shumë se 70 viteve të fundit, vjen përpara artdashësve me ekspozitën vetjake “80” (po aq sa është edhe mosha e tij), ku pasqyrohet jeta profesionale, kontributi i tij në këtë degë të artit. Krijimtaria e Jorgji Gjikopullit është një përpjekje e vazhdueshme drejt një pikture me dritë dhe ngjyrë, me shtresa e nënshtresa të pasura teksturore, që i japin asaj thellësi e qëndrueshmëri. Ajo ndahet në vite në disa faza të ndryshme, përmes të cilave kjo kërkesë zhvillohet dhe pasurohet, duke fituar përherë e më shumë pjekuri profesionale dhe pasuri koloristike.