Your cart
There are no more items in your cart
«Burri që donte të vdiste», ky roman me një dramë psikologjike zhvillohet në atmosferën e vitit 1997 dhe të trazirave të mëdha që përfshinë Shqipërinë: ajo e revoltës popullore kundër «piramidave financiare» dhe presidentit Berisha që kërkonte të mbante pushtetin me forcë. Në këtë kaos të madh social-politik kur shumë nga njerëzit kanë rrëmbyer armët dhe shteti po bie, një piktor i margjinalizuar nga regjimi i mëparshëm kërkon të vetvritet për arësye të një drame personale. Ai e ka humbur shijen e jetës dhe do të zhduket nga kjo botë që nuk ia vlen tashmë. Por rastësisht, gjatë përpjekjeve të shumta për tu vetvrarë, ai pikëtakon një ish të dashurën e tij të kohës studentore, e cila ka mbetur vetëm, e braktisur nga burri, me prindërit e vdekur dhe një djalë të vetëm të emigruar në Francë përmes ambasadave. Ajo ka rënë në një depresion të rëndë dhe ka humbur çdo shije të jetës. Atij i vjen keq dhe do ta nxjerrë nga kjo gjendje. Këta dy personazhe që duan të vdesin, në këtë atmosferë të “shtet-rrethimit” të mars 1997, i shpalosin njëri-tjetrit jetën e tyre, disfatën e madhe, dramat, dhe ja tek gradualisht, atyre u lind ndjesia për të jetuar. Përse vallë duhet të vdesim, mendojnë këta dy personazhe që rigjejnë njëri-tjetrin në kohën më të errët të jetës së tyre…