Per Vete

E rendesishme është të vijë dita e ta kuptosh që gjithçka e ke bërë për vete. Nuk ke pse ankohesh hiç fare. Sepse dashuria për veten nuk është pako gjë. Përkundrazi, vetëm pasi e kupton se ke rënë dashuri me veten, do mund të duash dhe të tjerët. Dhe të të duan. “Çfarë universi njerëzor, femëror, në një libër jo voluminoz! Çfarë bote e vështirë, e hidhur herë herë, por edhe e bukur, ngjethëse, e magjishme, herë të tjera. Sikur të doja të bëja avokatin e djallit në një dialog me personazhet e këtij libri, do t’u thosha atyre se ato kanë një as nën mëngë, që është shumë i ëndërruar nga mijëra gra të martuara dhe të palumtura në martesën e tyre e që është liria. Po ndoshta edhe tek ato që janë të lumtura. Sepse, pikërisht e tillë është bota, tepër e ndërlikuar dhe Iva këtë e jep në çdo resht të shkrimeve të saj. Ajo e shtron për herë të parë këtë problem haptazi dhe pa komplekse, ashtu si nuk është trajtuar asnjëherë në publicistikën tonë, madje as në ato studime që hulumtojnë në këtë fushë”. – Diana Çuli