E Verteta E Heshtur

Romani bazohet në ngjarje të vërteta
...Si për të gjetur një ekuilibër midis asaj që dëshironte dhe asaj që mund t’i ofrohej, Odri kishte zhvilluar një botë të saj, me heronjtë, dëshirat dhe të gjithë strukturën e një jete reale. Sa herë që kishte mundësi, në ato raste kur nuk lexonte, mbyllej në vetvete dhe ëndërronte. Me orë të tëra ajo ëndërronte jetën që do të kishte dëshiruar dhe mbi këtë bazë, ngrinte një skenar të tërë, duke e tipizuar në një vend dhe kohë konkrete. Herë të tjera ndodhte që ajo të identifikonte veten me personazhe dhe karaktere të librave të saj. Kjo gjë po ndodhte edhe me librin që kishte në dorë, Zekthin.
Ky libër e intrigonte pa masë: Heroi i librit, ishte fëmija e një prifti. Odrit edhe vite më vonë i kujtoheshin fjalët me të cilat “Gadfly” i drejtohej priftit në momentin që e zbuloi që ishte i ati:
- Unë të besova si Zotin, ti më gënjeve tërë jetën...