Te Lindesh Ose jo

Kur Guido u foli prinderve për dashurinë e tij me Gjinevrën, Mateon e kushtet e tij fizike, ata nuk u skandalizuan aspak. E vetmja këshillé që munden t'i jepnin qe të mendohej mirë para të hidhte hapin. Zemrat e femrave janë të brishta bir! - Jane qelqe të kristaltë, e po i thyeve brenda tyre mund të mbetet ndonjë ashkël xhami e të krijojë plagë të pashërueshme. Ndaj merr të gjithë kohën e duhur l dhe mos u nxito. Lumturia jote është gëzimi ynë me i madh. Ne do të jemi në krahun tënd gjithmonë, nëse rruga që do të ndjekësh është ajo që të kemi edukuar. Meqënëse Gjinevra ka një fëmijë desha të them diçka të rendesishme Guido: -Kur nesër të behesh baba, ji i ndërgjegjshëm se je edhe ati i Mateos, e nëse do të blesh dy dhurata e të hollat nuk të mjaftojnë dhuroi perpara Mateos e pastaj tét biri. Kujto
gjithmonë se yt bir ka dy prinder, ndërsa Mateo ka dy fatkeqësi - i shtrenjti im! - Keshtu do mbetesh përgjithnjë idhull në mendjen e tij dhe heroi pozitiv që të nesërmen do të imitojë, ndërsa ndërgjegjia jote, ajo që flet më mirë se kushdo për ty, do kullojë paqe e mirësi. - i thotë i ati duke përqafuar të birin me dashuri. Guido sillte nëpër mend Mateon, sesi mbrëmjeve të vona strukej nën velin e mëndafshtë të përkëdheljeve të tij si frymë e ngrohtë e shpirtit.
-Je gjak i gjakut tim Guido! - Zemra dhe mendja me thotë se do ecësh në shinat që kemi shtruar ne prinderit e tu. - vazhdon i ati duke parë në sy birin e burreruar. - Pa dyshim baba,- pa dyshim. - i thote Guido i mrekulluar nga mirësia që shprehnin syte e lodhur të të atit të ndershëm.