Shqiperia 1878-1928

Në këtë libër janë paraqitur dhe trajtuar nën dritën dokumentare të burimeve arkivore disa prej çasteve më kyçe të historisë moderne të Shqipërisë, qysh prej lidhjes së Prizrenit e themelimit të shtetit modern shqiptar, e deri te ardhja në pushtet e mbretit Zog. Të tëra ngjarjet dhe aktorët vendimtarë historikë janë parë ndryshe nga historiografia nacional-komuniste, që ende sundon në ligjërimin tonë publik për historinë e kësaj periudhe. Synimi është hapja e një shtegu të ri për ta hulumtuar dhe interpretuar historinë tonë moderne në një paradigmë të re.
Xhafer Sadiku ka lindur më 1954 në Shelq të Përmetit. Është diplomuar për drejtësi dhe është autor i disa librave studimorë me tematikë historike: "Shqipëria nën sundimin komunist, 1944- 1990 (Terrori mbi kulakët)", "Midis perandorive dhe religjioneve (Nga Edikti i Kostandinit te Traktati i Berlinit)", "Skenarë të përgjakur (Përmeti 1943-1990)". Gjithashtu ka botuar edhe monografitë: "Gani Jashari-Zhepova", "Mena: Bajraktar i Lurës", "Refik Bej Toptani"