Deshtimi I Nje Sistemi

Më shumë se analizë shënimet e mia janë ato të një njeriu i cili, për shkak të rrethanave të jetës gjendet në pozicione pune apo kthesash historike nga ku mund të përjetosh e kuptosh mekanizmat e funksionimit të një ideologjie dhe të një politike në shërbim të saj.
Për më tej, si dëshmitar okular i ngjarjeve që përcaktuan fillimin e proceseve demokratike jam përpjekur të përfshij edhe ato në rrëfim, herë thjesht si kronikë e herë si analizë, gjithmonë sipas pikëpamjes sime. Jam përpjekur të dëshmoj ashtu si i kam njohur unë protagonistët e politikës shqiptare; njërën palë në rënie të lirë dhe palën tjetër që vrapoi të përfitonte.
Në përfundim të këtyre radhëve shpresoj e uroj që ëndrrat e Studentëve të Dhjetorit 1990 të mos përfundojnë si deri tani, në zhgënjime, ashtu siç përfunduan ëndrrat e shpresat e brezit tim në socializëm. Filozofi e politikani i shquar anglez, Edmund Burke, shkruante dy shekuj më parë: "Kush nuk njeh historinë është i dënuar ta përsërisë atë".