Tropojani

Shumë dhunë. Shumë gjak. Shumë frike. Thonë se varret e dyqint burrave në Tropojë, po t'i vizitosh mund të flasin. Po të shkosh andej natën, dëgjon thirrje për hakmarrje. Nga thellësitë e errësirës kërkojnë qetësinë që t'mos marrë fund mbretëria e armiqësisë. Të afërmit vijnë, qajnë dhe ikin, lotët e tyre mblidhen siç mblidhen ujërat nga shkrirja e dëborës. Vajtimi është pathuajse i papërfytyrueshëm, një tenor pikëllimi. Ngjyrat e varreve sikur mbajnë ngjyrën e partive. Politika prodhoi ethet e vdekjes mes tropojanëve. Këta bodigardë të paradhomave politike, ngjasonin si Musketierët e Dymasë. Kjo ishte tragjedia e tyre, përfunduan nën dhe'.
Nuk kishte mënyrë tjetër si mund të vdisnin këta burra! Kur dëgjon për këto krime, edhe vetë Zoti do të pendohej që krijoi këtë rracë njerëzore.
Një libër me të vërteta tronditëse, që përcjellë një sagë të fortë historike, i treguar mjeshtërisht që do t'ju mbajë zgjuar deri në agim. Historia e fiseve tropojane, e kobshme, e mbushur me urrejtje, hakmarrje që do t'i bëjë historitë e Shekspirit të zbehta.