Albumi I Thashethemeve

Ne kishim lindë në qytetin e thashethemeve. Në qytetin tim thjesht tregohet. Tregohet gjithçka. Në të tregohen jo vetëm ato ngjarje në të cilat kemi qenë dëshmitarë, por edhe ato në të cilat nuk ishim. Pra fjala "thashetheme" në qytet gjendet në të gjitha format e saj të mundshme. Shpesh të dëgjon veshi duke thanë se qarkullon nji thashethem për filanin ose për filanen, por nuk jena të sigurtë në se asht e vertetë...
Pra vihet re lehtazi se domethania e saktë e kësaj fjale lidhet me faktin që mesazhi ka zhurmë, asht i paqartë dhe prandaj ne mobilizohemi që t'i japim kuptim, duke u shndërru kësisoj si padashje, në bashkautor.
Ka shumë mundësi që në prodhimin e thashethemeve të veprojnë organet e nënvetdijes së thellë, gja që e ban shumë ma të vështirë ta shpjegosh origjinën e aq ma pak arësyet. Gjasat janë që thashethemet të jenë nji gjuhë e pavetëdijes, njisoj si andrrat, gabimet apo simptoma të tjera...