Bija E Larget

Gjithë gëzim e me padurim u lëshuam rrugës për tek kisha e bukur që ngrihet madhështore e piktoreske në krepin e madh e të bekuar të Rubikut dhe kishte hapur dyert e priste besimtarët e vet. Ndërsa ecnim rrugës, dalloheshin nga larg në të gjitha anët grupe njerëzish të veshur në mënyre festive me rrobat tradicionale, qe i ngjiteshin gurit të kishës, duke e zbukuruar atë vend të shenjtë si kurrë ndonjëherë.
Edhe natyra qeshte, si njerëzit që i kishin fytyrat plot dritë nga buzëqeshja e gëzimi i festës së ringjalljes sëKrishtit. Lisat kishin shpërthyer në atëblerimin e freskët, kumbullat e pemët e tjera ishin mbushur plot lule, anash rrugës kudo kishin çelur lulet e stinës, mbi të cilat zukatnin bletët punëtore. Tej nga pylli vinte kënga e qyqes. E gjithë natyra ishte në festë, bashkë me njerëzit.