Sinkrone Jete

Libri "Sinkrone jete" trajton tema në vazhdën e filozofisë së integrimit dhe të harmonizimit të jetës, nocionet e individualitetit, tërësisë dhe të përshtatjes së çdo gjëje, duke vështruar qartësisht rreth nesh. Kjo teori, e bazuar edhe në gjashtë modelet e jetës së sinkronizuar: shpirtërore, fizike, emocionale, relacionale, etj. Ky model i tërësisë i ka rrënjët që te gjeneza dhe është lëvruar nga shumë autorë, është thelluar e zgjeruar veçanërisht në SHBA.
Enxhi Bici trajton pikërisht këtë temë, të qenies humane dhe të arritjes së sinkronit në jetë, të harmonisë së saj. Pra, në tërësi është një ndërthurje e pasur realiste, psikologjike e filozofike që tregon se ne jetojmë në bazë të mënyrës se si i krijojmë sinkronet në jetën tonë, marrëdhëniet me të tjerët dhe me veten, ndërkohë që ndërveprojmë me çdo gjë tjetër që na ndodh në jetë pa na pyetur.