Ostren

Historinë e kam të dëgjuar nga gjyshërit.
Uroj që kjo histori të përcjellë mesazhe të forta për ju lexuesit e mi të dashur!
Uroj mos të braktisni fëmijët që lindni, sepse koha nuk e shëron plagën e jetimit!
Ju sugjeroj që të birësoni jetimë dhe t'u ofroni një strehë të ngrohtë familjare! Shkoni deri në zjarr për njeriun e zemrës suaj!
Mos ta lëshoni dorën e njeriut që ju dashuron! Mos të thyeni një zemër të sinqertë të mbushur me
dashuri! Uroj të respektoni femrat, t'i lejoni të shkollohen, të
edukohen, të krijojnë respekt për veten dhe pavarësi! Uroj mos t'i shisni si plaçka për dy lekë pasuri! Uroj të jetoni një jetë pa pengje!
Mos neglizhoni, mos injoroni asgjë që ju lumturon! E dini pse? Sepse vjen një ditë që zgjoheni dhe e shihni veten 80 vjeç të mbushur me njëmijë “Po sikur?".
Ju këshilloj që të bëni një jetë të tillë ku të mos jeni thjesht një kalimtar...
Një jetë që kur të mbërrini në destinacion..., të ndjeheni gati!