Your cart
There are no more items in your cart
Propozim-leximi që po shfaqim sjell mbishkrimet mesape të cilat na e nxjerrin mesapishten 'të karbonizuar' si shqipe të hershme, të pa kurrfarë hijezimi. Ky propozim, i ardhur pas një segmentimi e interpretimi të këtyre mbishkrimeve, na bën të shohim si parahistoria e menduar e ilirishtes-shqipes bëhet histori e saj. Kështu fitojnë peshë fjalët e Radulescut (1994) për mesapishten, ilirishten e shqipen si një e vetme. Ngjashmëritë leksikore, morfologjike dhe morfo-sintaksore të mesapishtes dhe (proto)shqipes janë përtej çdo rastësie homofonike, tej çdo inxhinieringu etno-gjuhësor, siç ndodh shpesh në këto raste. Ato e 'lexojnë' njëra- tjetrën qartë, me telashe të kuptueshme, jo të vogla, në pika vokabulari e gramatike, që vijnë natyrshëm mes dy gjuhësh a varietetesh që kanë mijëvjeçarë në mes, por që ruajnë një bërthamë të vetme.