Anabela

Ngjarjet e këtij romani zhvillohen në ShBA. Jeta e Anabelës, personazhi kryesor, zhvendoset nga Nju Jorku në Kaliforni, ku mes humbjesh dhe fitoresh arrin më në fund lavdinë. Anabela personifikon sakrificën në jetë, forcën e shpirtit dhe realizimin e ëndrrës, por njëkohësisht pasqyron ndjenjën e plagosur të një femre. Dashuria mban gjallë shpresën e saj për t’ia dalë mbanë. Besoj se romani "Anabela" i autores së re Adela Çaushllari do të jetë një prurje e suksesshme në letërsinë tonë dhe se do të pëlqehet shumë, veçanërisht nga të rinjtë. Bardhyl Xhama, shkrimtar Një prozë e shkruar bukur dhe me pasion, që të rrëmben me ritmin e rrëfimit, me fantazinë dhe dendësinë e ngjarjeve. Një sprovë e guximshme e një shkrimtareje në hapat e parë, që premton për një vazhdim dinjitoz në udhën e gjatë të letërsisë.