Republika Shqiptare 1925-1928

Mbështetur në materiale arkivor brenda dhe jashtë vendit dhe në atë bibliografik, autorja ka trajtuar dhe analizuar përpjekjet e qeverisë shqiptare dhe Ahmet Zogut, që në përputhje me kushtet e rrethanat e brendshme dhe ato ndërkombëtare, të ndërtonin një politikë të jashtme për të përballuar rreziqet që i kërcënoheshin pavarësisë dhe integritetit tokësor të shtetit shqiptar.
Në pjesën më të madhe të kësaj monografie zënë vend reformat e ndërmarra nga qeveria për ringritjen e institucioneve shtetërore, konsolidimin dhe rritjen e efektivitetit të tyre, për të vënë mbi baza ligjore veprimtarinë e administratës qendrore e lokale, për zhvillimin ekonomik të vendit dhe vënien nën kontroll dhe disiplinimin e veprimtarisë financiare të shtetit.Njëkohësish përmes kësaj monografi pasqyrohen përpjekjet e qeverisë dhe të kreut të shtetit gjatë 1925/28, për shtrirjen e sundimit të ligjeve shtetërore në të gjithë vendin, reformimin e sistemit gjyqësor, zhvillimin ekonomike, bujqësinë, arsimin, etj.