Shqiperia Dhe Shqiptaret 2

Vëllimi i dytë i serisë “Shqipëria dhe Shqiptarët”, me autor Gent Ulqinin, ndalet në literaturën e bollshme historiografike, si dhe në hartat dhe statistikat e ndryshme të huaja mbi territoret, popullsinë, si dhe qytetet shqiptare ndër shekuj, shoqëruar edhe me fotografitë dokumentare përkatëse të vjetra të këtyre qyteteve. Përmes lëndës shkrimore dhe statistikave që sillen në të, krijohet një përfytyrim i qartë i shtrirjes së territoreve kombëtare shqiptare në gadishullin ballkanik, si dhe një përafrim i numrit të popullsisë në kohë të ndryshme që shtrihej në këto territore. Ndërsa për qytetet shqiptare janë hulumtuar ato të dhëna që nxjerrin në pah rëndësinë e tyre, kulturën e tyre, karakteristikat e tyre nëpër shekuj, si dhe marrëdhëniet e tyre me botën e jashtme.