Ku Gjendet Historia E Shqiperise ?!

Me një shqyrtim të thelluar të lëndës burimore dhe një sistematizim të saj, historiani dhe bibliografi dalmato-italian Xhuzepe Praga, arrin të krijojë një prospekt bibliografik themeltar mbi studimin e historisë shqiptare, studiues i përkushtuar për çështjen shqiptare ashtu si dhe për atë dalmate. Libri mund të konsiderohet si një “arkitekturë” bibliografike për historinë shqiptare dhe përbën një prurje mjaft të dobishme për kë kërkon të orientohet dhe të studiojë seriozisht në këtë lëmë. Për më tepër, gjykimet që Praga parashtron përgjatë shtjellimit të lëndës, duke analizuar dhe hedhur ide të reja për themelet mbi të cilat duhet ngritur historiografia shqiptare, sjellin elementë risie për shkak të seriozitetit dhe thellueshmërisë me të cilën ai trajton çështje të ndryshme të premisave dhe metodikës mbi të cilat duhen ngritur studimet në mënyrë profesionale. Libri i Pragës hap dhe Kolanën me “Burime mbi historinë e Shqipërisë”.