Shteti Shqiptar Nga Konferenca E Londres Ne Bashkimin Me Italine 1913-1939

Pjesë e Kolanës me “Burime mbi historinë e Shqipërisë”, vepra e Amedeo Xhaninit është ndër librat themelorë për të njohur krijimin dhe ecurinë e Shtetit shqiptar në aspektin konstitucional dhe atë ndërkombëtar. Njohës i shkëlqyer i së drejtës dhe marrëdhënieve ndërkombëtare, si dhe i së drejtës konstitucionale, Xhanini sjell një tablo koncize të rrugës që ka përshkuar shteti shqiptar që nga viti 1913 deri në bashkimin me Italinë në vitin 1939, në një argumentim juridik dhe politik të pozicionit të tij në arenën ndërkombëtare, duke i bashkangjitur në shtojcë edhe një seri dokumentesh konstitucionalë dhe ndërkombëtarë, që nga statutet e mbretërisë dhe republikës, deri në tratativat diplomatike mes Fuqive të Mëdha që projektonin fatin e Shqipërisë në vitet 1913, 1919 e në vijim. Një shqyrtim i vlertë i natyrës juridike të bashkimit të kurorave mes Mbretërive të Shqiëprisë dhe Italisë i jep përgjigje dhe ekuivokeve historiografike mbi periudhën “e pushtimit 1939”.