Qasja, sikundër sot, me një libër për epirin dhe epirotët, thesprotia dhe thesprotet, çamëria e çamiotët sillet në një kohë, ku vepra historike shqiptare vjen duke u zgjeruar, për pasojë, çdo gjeneratë e riben historinë e vet, ndaj ka ardhur koha të mendojmë sesi historia për epirin dhe epirotet, thesprotinë e thesprotët, çamërinë e çamiotët të shkruhet me dashuri nga bijtë e vet. Një libër i tillë do të na bëjë që të mësojmë të vërteta për epirin dhe epirotet, thesprotinë e thesprotët, çamërinë e çamiotët, për të cilat ka nevojë çdokush, por ne shqiptarët kemi nevojë më tepër se gjithkush.
Tema e përgjithshme e këtij libri është trashëgimia kulturore jomateriale shpirtërore që nënkupton praktikat, paraqitjet, shprehjet, gjuhën, njohuritë dhe krijimtarinë popullore, si dhe veglat, objektet, artizanatin dhe hapësirat kulturore që bashkëshoqërojnë ato, e krijuar në shekuj e në vijimësi dhe e përcjellë brez pas brezi, duke i dhënë kombit çam ndjenjën e identitetit dhe të vazhdimësisë, duke ndihmuar kështu për promovimin e respektit për diversitetin kulturor dhe të krijimtarisë tradicionale njerëzore.
