Gjashte Muaj Ne Shqiperi

Misioni i Fabiusit në Shqipëri qe i shkurtër, jo vetëm sepse qëndroi vetëm gjashtë muaj, por edhe për faktin se gjatë pjesës së parë të qëndrimit në Shkodër, ai thuajse nuk bëri asgjë. Sikundër
thotë vetë, kurrfarë gjëje nuk mund të kryhej pa para. Planet dhe detyrat që kishin nuk vlenin pa to. Por kjo i dha më shumë kohë për t’i njohur diçka më shumë shqiptarët dhe gjendjen e tyre, sepse mesa vihet re në librin e vet, Fabiusi njëzetepesëvjeçar nuk kishte pothuajse fare njohuri të mirëfi llta për Shqipërinë, për shqiptarët dhe për historinë e tyre. Me kthimin në Durrës, pati më shumë mundësi për të treguar aftësitë dhe cilësitë e tij ushtarake, duke u bërë i dobishëm për çështjen shqiptare në shërbim të së cilës ishin, për komandantët e tij dhe për Princ Vidin.
Shkodra, jeta dhe banorët e saj, rrethinat dhe Malësia, janë përshkruar në librin e Fabiusit, i cili pohon se ishte disi i varfër ngaqë mungonin paratë për përmbushjen e detyrave të tyre.
Intrigat, pështjellimet dhe dredhitë, prapaskenat dhe mëritë ndërkombëtare përshkruhen qartë dhe çiltaz. Një vend të veçantë zënë rrëfi met e Fabiusit për traditat, zakonet, tiparet e cilësitë shqiptare. Ai mori pjesë në jetën e tyre të përditshme, si
edhe në festa fetare e në martesa. Madje fi lloi të mësonte edhe shqipen. Me gjithë pasaktësitë që ka herë-herë ky libër, ai është i këndshëm dhe sjell atmosferën e Shqipërisë së atyre viteve dhe hollësi mbi një nga personazhet më të njohur të huaj dhe të rëndësishëm historik, kolonel Tomson.