Qazim Kokoshi Firmetar I Deklarates Se Pavaresise Kombetare 1912

“Të rrallë janë personalitet që në historinë e një kombi ia dalin të shkëlqejnë me të njëjtën fuqi vezulluese në çdo kohë.I tillë është, padyshim, Qazim Kokoshi, patriot vizionar. Aktivist i shquar i çështjes kombëtare, udhëheqës i kryengritjeve antiosmane 1907-1912, përfaqësues i Vlorës në Kuvendin Kombëtar më 28 Nëntor, 1912 dhe firmëtar i aktit të Shpalljes së Pavarësisë Kombëtare, nënpunës i lartë i shtetit shqiptar 1912-1914, ndihmëtar i shpëtimit të muhaxhirëve në Vlorë më 1914, përfaqësues i Vlorës në Kongresin e Lushnjës, më 1920. Ideator, organizator dhe udhëheqës i Luftës së Vlorës më 1920, që vendosi fatin e Shqipërisë. Prefekt dhe kryetar i bashkisë së Vlorës. Udhëheqës i Revolucionit të Qershorit, 1924. Politikan i shquar, kryetar i Partisë Popullore dhe deputet i Vlorës në vitin 1921. Botues i gazetave “Populli” dhe “Mbrojtja Kombëtare”. Për aktivitetin atdhetar, u përndoq, u burgos dhe u dënua tri herë me vdekje: Nga Turqia, Italia dhe Mbretëria Shqiptare. Komunistët vlonjatë e dënuan në një moshë të madhe, me 2 vjet burg, ku edhe vdiq nga torturat morale dhe fizike. Varri i tij humbi përgjithmonë.”-Fragment nga libri.