Antologji E Historise Se Kohes Se Vjeter

Nëpërmjet këtij libri tregohet historia sipas deshmive dhe dëshmitarëve më të drejtpërdrejtë të ngjarjeve të mëdha, por edhe të disa aspekteve të jetës së përditshme të popujve të lashtë, që nga Europa deri në Lindjen e Largët.Këtu janë lënë të flasin dokumentet që i kemi trashëguar nga ata popuj të lashtë, në format më të ndryshme si: mbishkrime mbi monumente, të skalitura me alfabete të deshifruara me kompetencë të madhe e me durim prej murgjish nga shkencëtarët e studiuesit e gjuhëve të lashta të zhdukura, fletë dhe dokumente që i kanë shpëtuar dëmtimeve të pariparueshme të kohës, në libra kronikash e historish nga historianë e shkrimtarë që i kanë jetuar vetë ngjarjet ose kanë qenë më afër në kohët kur janë zhvilluar. Ky libër është një ndihmesë që do t'i shërbejë mësuesve e pedagogëve të historisë, studentëve të historisë dhe të shkencave politike si literaturë plotësuese, politikanëve e çdo lexuesi që kërkon ta vërtetojë më tej se jeta e qytetërimi i ka rrënjët shumë më të vjetra nga sa mund të besohet ndonjëherë.