Odete Gjithkushi Dhe Histori Te Tjera

I dashur zoti Balsan, Unë nuk shkruaj asnjëherë, sepse, edhe nëse e njoh drejtshkrimin, nuk di të shkruaj bukur. Dhe do të më duhej shumë frymëzim që t’ju tregoja se sa i rëndësishëm jeni për mua. Që t’ju them të vërtetën, ju kam borxh jetën. Pa ju, do ta kisha vrarë veten njëzet herë. Odetë Gjithkushi Jeta i ka dhënë gjithçka shkrimtarit Baltazar Balsan e asgjë Odetë Gjithkushit. Megjithatë ajo është e lumtur. Ai jo. Një takim i rastësishëm do të tronditë jetët e tyre. Tetë tregime, tetë gra, tetë histori dashurie. Nga shitësja e vogël te miliarderja e famshme, nga tridhjetëvjeçarja e zhgënjyer te princesha misterioze këmbëzbathur, nga bashkëshortë me jetë të dyfishtë, dashnorë pa burrëri te nëna të përmalluara për vajzat e tyre, Erik-Emanuel Shmit na sjell një galeri të tërë personazhesh të paharrueshëm në kërkim të lumturisë.