Drita Ne Det

Libri që ofrojmë është një antologji me tregime nga autorë grekë dhe jo antologji e tregimit grek. Është një përzgjedhje autorësh me shtrirje kohore nga mesi i shekullit të 19 e deri në ditët e sotme. Në të përfaqësohen autorë neohelenikë si A. Papadiamantis, A. Karkavicas, K. Theotokis, për të vazhduar me emra të tjerë si I. Venezi, S. Mirivilis, A. Samarakis etj., të cilët janë përkthyer e i janë prezantuar lexuesit shqiptar edhe më parë. Në këtë botim u është dhënë hapësirë më e madhe përfaqësimi autorëve të rinj e më pak të njohur, pavarësisht se koha akoma nuk ka bërë “shoshitjen” e saj, se ata janë në proces krijimi e ndonjëri në fillimet e krijimtarisë. Më të rinjtë përkthehen për herë të parë shqip, duke i dhënë mundësi lexuesit shqiptar që të njihet me letërsinë që krijohet sot nga brezi më i ri i shkrimtarëve grekë.