Rrefej Une, Gruaja

Reference B18884

Out-of-Stock

500 Lekë

Author: Mimoza Kuchly

ISBN: 9789928226556

Publisher: Onufri

Publication Year: 2017

Number of Pages: 160

Description

Gratë e rrëfimeve i shohim në marrëdhënie pa prapavijë, në histori pa premtime dhe pa vazhdime. Secila prej tyre ka një rezervë ndjeshmërie njerëzore, afeksioni, që në saje të rrethanave, guximit, gjen rrugën për të ndërvepruar me tjetrin, tjetrën, në një amalgamë ndjesore e trupore. Personazhet nuk janë të obsesuar me lumturinë. U mungon gjithmonë diçka për ta cilësuar jetën e tyre të përsosur... Rrëfimet nuk janë përralla që përfundojnë me "jetuan të lumtur përgjithmonë". Përkundrazi, e marrin fillesën aty ku e mbyll përralla. Personazhet nuk janë gjethe që i ngrejnë peshë puhizat më të lehta të ëndërrimeve. Janë komplekse. Si ajsbergu, që e sheh të zmadhohet sa më tepër i afrohet anijes. Drejt fundit të historive ato janë të afta të habisin me zgjedhjet që bëjnë. Asnjëra prej tyre nuk është gruaja e ëndrrave të tjetërkujt. Secila prej tyre është gruaja e ëndrrave të veta me pyetje, kërkesa, interesa të larmishme, nevoja, dëshira dhe qëllime. Gra fenomenale. Çfarë shohin burrat tek ajo? Përpiqen shumë, pa e rrokur misterin e tyre. Nuk janë të "dobëtat", nuk kanë nevojë domosdoshmërisht për mbrojtje nga burra "alfa". Ato janë të barabarta, të ndërgjegjshme për vlerën e tyre dhe çka sjellin në një marrëdhënie, pa abuzuar dhe pa u abuzuar. Dhe vijmë këtu tek një prej vlerave kryesore, në sytë e mi, të librit. Rrëfimet i çlirojnë personazhet nga dikotomitë në të cilat i mbërthen shoqëria. Ato dalin përtej skemave "shenjtore ose prostitutë", "shtëpiake ose karrieriste", "e dobët ose mizore".