Burrat E Vertete Nuk Thone Kurre Me Fal

Në kohët e shpellave, njeriu i hershëm rrezikonte duke u treguar trim me dinosaurët, murtajën, mizëritë e karkalecave dhe ketrat fluturues njeringrënës për të siguruar mish për gruan dhe fëmijët. Kur njeriu i hershëm kthehej në shtëpi pas këtij udhëtimi rraskapitës gjatë të cilit rrezikonte jetën dhe kockat, përshëndetej nga pamja e gruas së hershme (hera e fundit që është përdorur fjala “e hershme” për një femër) në gojë të shpellës, me duart në vithe, që tundtte kokën e murmuriste “Ke harruar të mbledhësh dru për zjarr, apo jo?”
Për mijëra vjet, meshkujt u janë nënshtruar femrave. Në fakt, nuk quheshin njerëz shpellash sepse jetonin në shpella, por sepse lëshoheshin përpara gjithë këtyre kërkesave.