Denimi I Dyte I Havzi Neles

Edhe pas daljes nga burgu, Havzi Nelës s’iu shua besimi se një kohë t’afërt Shqipëria do futej në Bashkimin Evropian dhe me një besim të zjarrtë se ai organizëm do bënte ç’ish e mundshme që Shqipëria të shkëputej prej regjimit të tiranisë.
Sipas një dëshmie, në dhjetor të 1986-s ai thoshte: “Sa për Enver Hoxhën, balta e zezë shumë shpejt ka me ia mbulue emrin. Edhe në rast se ia përmendë kush, ka me ia përmendë me përbuzje. Punët janë për mirë. Ky regjim do të përmbyset fort shpejt. Krejtekrejt, po e ka rrëzue për tokë ekonomija e dobët. Nji skamje me të trishtue. Shumë ma keq para vitit ’67 kur kam hy në burg. Do të hyjmë shpejt në Bashkimin Evropian. S’do ketë ma kufij, por do jenë vetëm formalë. Edhe në Kosovë kemi me hy shpejt lirisht.”