Your cart
There are no more items in your cart
Kjo histori fantazie dhe aventure plot ritëm, "Treni i vendeve të pamundura: Dërgesa e mallkuar", nga autori P. G. Bell, është po aq e këndshme så edhe e mbushur me emocione. Ky është libri i parë i një trilogjie të planifikuar, ku flitet për një tren që udhëton nëpër vende të cilat nuk janë të mundura të ekzistojnë, për një djalë të ngecur brenda një globi prej qelqi dhe për një vajzë që hyn pa dashje në aventurën më të çuditshme të jetës. Ekspresi i pamundur postar nuk është tren i zakonshëm. Është një tren me të cilin shpërndajnë postën xhuxhët, që nga rrënojat e anijeve të mbytura në fund të oqeanit e deri në hapësirë. Kur ky tren i pamundur kalon nëpër sallonin e shtëpisë së Suzit, asaj i përmbyset bota. Pasi hipën në këtë tren, Suzi bëhet zëvendëspostiere dhe dorëzon pakon e parë te shtriga Krepuskula. Por vetë pakoja i lutet Suzit që të mos e lerë aty. Frederiku, djali i ngecur brenda globit, ka të dhëna se Krepuskula kërkon të vërë nën kontroll gjithë Bashkimin e Vendeve të Pamundura. Ndërkoh që vë shokët dhe veten në rrezik për të shpëtuar Frederikun, Suzit i duhet të bëjë zgjedhje të vështira, nga të cilat varet fati i gjithë Bashkimit.