Klubi I Vrasesve Te Shkronjave

Kudo në vepra, heroi i Krzhizhanovskit është ideja apo koncepti i kurthuar në tru. Fabula e tij e përsëritur: si të çlirosh një mendim të brendshëm në hapësirën e jashtme në çastin e duhur dhe me mënyrën e duhur, që të mund të mbijetojë, të krijojë kontakte, të eksplorojë - pa qenë i ndrydhur apo i përzier me të tjera gjëra. Kjo ide kërkon hapësirë që të sprovojë veten dhe duhet të qëndrojë e veçuar nga rrethanat. Mjetet dhe pajimet e këtij procesi ekzistojnë njëherësh brenda dhe jashtë trurit, por ato janë më tepër metafizike sesa politike. Megjithëse fati i palumtur i Krzhizhanovskit i nxiti admiruesit të kërkonin ngado nëpër krijimet e tij nënkuptimet anti-Staliniste, thelbi i veprës që shkroi është diçka më fundamentale sesa Gulagu, kolektivizimi bolshevik apo madje, edhe liria për të folur dhe ajo e lëvizjes.... Klubi i vrasësve të shkronjave është krijimi më ambicioz i Krzhizhanovskit me këtë temë.
"Tashmë është e qartë për të gjithë që Krzhizhanovski është një nga autorët më të mëdhenj të shekullit XX."
Robert Chandler FINANCIAL TIMES
"Krzhizhanovski, i krahasuar kaq shpesh me Borgesin, Kafkan, Poen, Gogolin dhe Beckettin, ka një prozë krejtësisht të pangatërrueshme, mbështetur në bashkimin e herezisë, logjikës dhe fantazmagorisë..."
- Natasha Randell BOOKFORUM