Bleterritesi I Alepos

Nuri është bletërritës, ndërsa Afra, gruaja e tij është artiste. Çdo mëngjes Nuri zgjohet herët dhe pas faljes së mëngjesit, niset me makinë drejt koshereve të bletëve jashtë qytetit. Gjatë fundjavave, Afra shet në tregun e hapur të qytetit peizazhet e pikturuara plot ngjyra.
Ata jetojnë një jetë të thjeshtë plot miq dhe shokë në kodrën e qytetit të bukur të Alepos... derisa ndodh ajo që nuk e kishin imagjinuar kurrë.
Kur gjithçka që donin ua shkatërroi lufta, Nuri e kupton që nuk kanë zgjedhje tjetër përveçse ta braktisin shtëpinë dhe vendin e tyre. Por arratisja nga Siria nuk do të jetë aq e lehtë: Afra ka humbur shikimin duke ia lënë Nurit të drejtojë hidhërimin e saj dhe udhëtimin plot rreziqe përmes Turqisë, Greqisë drejt një të ardhmeje të panjohur në Britaninë e Madhe.
Teksa Nuri dhe Afra largohen nga një vend i shkatërruar, u duhet të përballen jo vetëm me dhimbjen e humbjes së tyre të patregueshme, por edhe me rreziqet që do të mbingarkonin edhe shpirtrat më të guximshëm. Mbi të gjitha — dhe ndoshta kjo është gjëja më e vështirë me të cilën përballen — ata duhet të udhëtojnë për të rigjetur njëri-tjetrin.