Koha E Duhur

E mbushur me dhimbje, tradhti dhe triumf, "Koha e duhur" është një histori emocionuese për ndjekjen e pasionit tuaj - nga tregimtarja e preferuar botërore, Danielle Steel.
E braktisur nga e ëma qysh shtatë vjeç, Alexandra Winslow ngushëllohet me historitë misterioze që lexon bashkë me të atin e saj të përkushtuar por që shpejt do të fillojë t'i shkruajë ato edhe vetë, me një talent që shkon përtej moshës së saj. Pas vdekjes së parakohshme të të atit, Alex pranohet nga murgeshat e një manastiri lokal, të cilat e inkurajojnë që të ndjekë ëndrrën e saj. Alex shkruan në çdo moment të lirë dhe në kolegj përfundon romanin e saj
të parë. Menjëherë gjen një botues, por Alex, duke kujtuar këshillat e të atit të
saj të ndjerë, këmbëngul që të shkruajë me pseudonim mashkullor, ndërkohë që
identitetin e saj të vërtetë e njohin vetëm disa.
Alex ka sukses të menjëhershëm, por dëmi është bërë. Jeta sekrete si misteriozi Alexander Green e ekspozon atë ndaj ziliqarëve, arrogantëve dhe lojtarëve të Hollivudit që nuk e kanë idenë se kush është ajo në fakt. Koha e duhur për të dale hapur duket gjithnjë dhe më e paarritshme. Por sapo të zbulohet jeta e saj e dyfishtë, e vërteta mund të ketë pasoja shkatërruese.