Shtepia Buze Liqenit

Një mbrëmje mesvere, pas një feste të bukur me qindra të ftuar, familja Edëvejn zbulon se vogëlushi i tyre njëmbëdhjetëmuajsh, Teoja, është zhdukur pa asnjë gjurmë. Ai nuk gjendet kurrë, duke e lënë familjen të shkatërruar dhe shtëpinë të braktisur.
Dekada më vonë, Alisia jeton në Londër, pasi ka shijuar një karrierë të gjatë dhe të suksesshme si shkrimtare. Kilometra larg, Sejdi Sparou, një detektive e re në forcat e policisë londineze, po qëndron për pak kohë në shtëpinë e gjyshit, në Kornuoll.
Një ditë, teksa shëtit, ajo zbulon shtëpinë e vjetër të Edëvejnëve, tanimë të mbuluar nga barërat e këqija. Kjo i ngjall kureshtjen dhe i hap rrugë një sërë ngjarjeve që do të bashkojnë atë dhe Alisian e do të zbulojnë të vërteta tronditëse për një të kaluar thuajse të harruar... e njëherazi më të pranishme se kurrë.