Misteri I Zonjes Me Vel

Të gjitha në një libër. Përshkruar mrekullisht nga mjeshtri i detajit Émile Richebourg. Kalorës i Legjionit të Nderit
Ajo është një vajzë e ndershme, e zgjuar dhe e edukuar mirë. Kjo është ajo që ka më shumë vlerë. Nëse është e bukur, shumë mirë për ty, nëse është e sjellshme, është mirë edhe për mua. Nëse ti e dashuron ajo do të jetë e lumtur, nëse e ndjen që edhe ajo të dashuron, mos kërka më tepër! Zonjusha de Pradinë do të jetë ëngjëlli i shtëpisë sonë. Ajo nuk ka pasuri por, një zemër që di të dashurojë, mban brenda saj gjithë thesaret e mundshmel Atje gjendet lumturial Me flori mund të blejmë kënaqësinë, por asnjëherë lumturinë!
Pas mënyrës së të sjellurit plot finesë, pas veprimeve gjithë edukatë, pas fjalëve të zgjedhura, pas një gojëtarie elegante dhe pas një mirësie hipokrite, ai fshihte instiktet më të ulëta të një njeriu. Kumarxhi dhe i shthurur, ai i kalonte netët në sallonet që ishin gjysmë strofulla bixhozi dhe gjysmë vende kënaqësie, ku në dritën e qirinjve, vesi i paturpshëm shfaqej pa frikë me gjithë shëmtinë e tij.
Po, unë ju përbuz dhe ju urrej. Ju përbuz sepse jeni më i gënjeshtërt se vetë gënjesh tra, besëprerë si një i paburrë, frikacak si një fajtor dhe rreshqanor si një zvarranik, Ju përbuz, sepse mbani brenda jush gjithë ndyrësitë e mundshme, zemërgur dhe i ulët, që s'keni lënë batak pa u përlyer