Njefare Z.piekielny

Kur të takosh njerëz të mëdhenj, të rëndësishëm, më premto se do t'iu thuash: në rrugën Pohulanka e Madhe nr. 16, në Wilno, banonte Z. Piekielny... »

Kur Roman Kacew i bëri këtë premtim këtij Z. Piekielny, fqinjit të tij që ngjante me një mi të trishtë, ishte ende fëmijë. I rritur tashmë, rezis- tent, diplomat, shkrimtar nën emrin Romain Gary, ai e ka mbajtur fjalën gjithmonë: «Që nga podiumet e OKB-së e deri tek Ambasada e Londrës, nga Pallati Federal i Bernës e deri në Elize, përpara Charles de Gaulle dhe Vishinskit, përpara krerëve të lartë dhe ndërtuesve për një mijë vjet, nuk kam harruar kurrë ta përmend ekzistencën e burrit të vogël», tregon ai në Premtimi i agimit, në autobiografinë e tij të romancuar.

Një ditë maji ca rastësira më kanë hedhur përpara nr. 16 të rrugës Pohulanka e Madhe. Atë ditë vendosa të hidhem në kërkim të njëfarë Z. Piekielny.