Porporino Ose Misteret E Napolit

Mos e kërkoni Porporinon nëpër analet e kastratëve të operës napolitane të fundit të shekullit XVIII. Ai nuk është veçse tregimtari i sajuar i kësaj autobiografie imagjinare, por që e rrëfen aq mirë "madhështinë e Napolit në kohën e shkëlqimit të tij". Asokohe, njeriu ndeshte rrugës djaloshin Moxart apo plakun Kazanova, aventurieren ledi Hemilton apo princin e marrë Sansevero. Përgjatë këtij romani gjithë kulturë, të guximshëm e barok, Dominik Fernandezi bën që një epokë e tërë të luajë, të kënaqet, të këndojë e të ngazëllehet, duke na dhënë njëherazi një përsiatje të thellë rreth lirisë së një krijese "mrekullisht më të pasur, ngaqë i ka shpëtuar detyrimit për të qenë burrë!". Duke ndjekur Porporinon, do të lëmë të na rrëmbejë ëndrra, mes muzikës, deri te portat e Edenit.