Nje Vend Ne Bote

Mikele ka një shok, Frederikun. Një shok me të cilin ndan gjithçka: apartamentin, picën dhe birrën, por edhe ëndrrat dhe zhgënjimet, gëzimet dhe dhimbjet, ndonjëherë edhe gratë. Një ditë, Frederiku vendos të lërë pas gjithçka dhe të niset. I lodhur nga jeta monotone e provincës, vihet në kërkim të gjysmës tjetër të vetes. Ndërsa Mikele qëndron. Kur kthehet, pas pesë vjetësh, Frederiku ka ndryshuar. Tashmë është i qetë, i dashuruar me një grua (Sofinë) dhe me jetën. Duket si një prej atyre historive me fund të lumtur, por nuk është kështu. Frederiku niset papritmas, këtë herë për një udhëtim shumë më të gjatë. Do të kthehet (për habinë e të gjithëve) i fshehur pas syve të një vogëlusheje, Anxhelikës. Ngjarjet e jetës së Mikeles, Frederikut, Françeskës dhe Sofisë janë ato të një grupi të rinjsh në kërkim të një vendi në botë. Në këtë libër të ri, Fabio Volo i bashkon jetët e protagonistëve si pjesët e një loje (puzzle), duke zgjedhur përsëri botën femërore si kod hyrjeje.