Burimi I Jetes

“Burimi i jetës”, botuar në vitin 1943, qe suksesi i parë letrar i Ayn Rand-it, libri i cili i solli famën botërore dhe pavarësinë financiare. Më shumë se 6.5 milion kopje të librit janë shitur sot në mbarë botën dhe libri është përkthyer në 22 gjuhë të botës.
Ky klasik i të gjithë kohërave rrëfen historinë e një arkitekti të ri dhe rebel, betejën e tij kundër standarteve konvencionale dhe lidhjen e dashurisë shpërthyese me një grua të bukur që do ta mundë me çdo kusht. I freskët sot, po aq sa kur u botua për herë të parë, ky roman flet për një hero dhe ata që përpiqen ta mundin.
“Burimi i jetës” frymëzoi një film hollivudian në vitin 1949, skenarin e të cilit e shkroi vetë Rand-i dhe heroin e të cilit e interpretoi Gary Cooper.