Hoteli I Bardhe

Askush nuk mund të arrijë peizazhin e histerisë, “truallin” e këtij romani, pa u përballur me figurën madhështore të Sigmund Frojdit. Frojdi, në të vërtetë është një nga karakteret e romanit, si zbulues i mitit modern, të madh e të bukur të psikoanalizës. Me mit, unë nënkuptoj shprehjen poetiko-dramatike të së vërtetës së fshehur. Por duke e theksuar, s’do të thotë që vë në pikëpyetje vlerën shkencore të psikoanalizës.
Frojdi në këtë vepër është një figurë krejtësisht artistike. Megjithatë, Frojdi im imagjinar vepron përgjithësisht në përputhje me faktet e njohura të jetës së tij reale. Herë pas here, kam cituar nga punimet dhe letrat e tij. Letrat në Prolog, si edhe të gjitha pasazhet që lidhen me psikoanalizën nuk kanë asnjë bazë reale, përfshirë këtu edhe Pjesën III, që ka formën letrare të një epikrize frojdiane.