Baroni Maltez... Dhe Une, Lusiani

Është pragu i luftës së dytë botërore. Dy miq fëmijërie, Lusiani, djali i një biznesmeni të klasës së mesme dhe Mark Antoni, i biri i baronit, ndonëse me dy karaktere krejtësisht të ndryshme, mbetem miq-armiq deri në fundin e jetës së tyre.
Kryeneçësia e Lusianit, është në kundërshtim të plotë me zgjedhjen e Mark Antonit. Por këto vlera që treten në zbrazëtinë e së shkuarës, ndërlikohen edhe më shumë, për shkak se ata ndiejnë të dy njëlloj për Katerinën. Duke qenë në mes, edhe ajo kërkon miqësinë dhe vëmendjen e të tyre. Kjo sjellje, e etiketuar si "seksologji fashiste", bëhet edhe më interesante, në raport me ndryshimet sociale dhe atmosferën e zymtë që ka imponuar lufta.
Në këtë roman Ebejer përshkruan atmosferën zymtë të Maltës nga gjendja koloniale deri në pavarësi. E kolonizuar politikisht nga britanikët dhe kulturalisht nga italianët, sfida e këtij vendi, por edhe e Ebejerit, është reflektimi ndaj asaj që ndodh shpirtërisht në këtë vend për të qenë një zë përveçse i pavarur edhe me identitet të qartë. Prandaj ai zgjedh këtë subjekt, duke rrëfyer me detaje transforimimin dhe përpjektet që bën çdo individ, për të siguruar përveç lirisë edhe identitetin, orgjinën e tij.