Pertej

Romani i Natsuo Kirino “Përtej” tregon një histori rrëqethëse krimi në periferi të Tokios.
Një nënë e re në kulmin e dëshpërimit vret bashkëshortin e saj imoral dhe kumarxhi. E ndihmuar edhe nga tre shoqet e saj, ato përpiqen të zhdukin trupin dhe çdo provë të mundshme. Gjërat ndërlikohen dhe dalin jashtë kontrollit kur policia zbulon disa mbetje të trupit të viktimës. Jeta e tyre bëhet edhe më e vështirë kur një fajdexhi i cili ka lidhje me jakuzan japoneze zbulon sekretin e tyre. Romani merr në kthesë të papritur kur ato vihen në shenjestrën e pamëshirshme të një pronari klubi nate, qëllimi i të cilit është të hakmerret.
“Përtej” është një triller psikologjik që zbulon skutat më të errëta të shpirtit njerëzor, një përkujtues turbullues ku dëshira e dëshpëruar për liri mund të bëjë që edhe njeriu më i zakonshëm të bëjë të paimagjinueshmen.