Jezabel

Në bankën e të akuzuarve hyn një grua. Është ende mjaft e bukur, ndonëse jo më e re në moshë. Akuzohet për vrasjen e një djaloshi njëzet vjeçar, të cilin mendohet ta ketë pasur të dashur. Po si vallë ka ndodhur që Gledis Eizenahu, kjo grua e pasur dhe e bukur, mbërriti deri në këtë pikë? Përse ajo s’kërkon mëshirë por, përkundrazi, kërkon ta dënojnë sa më rreptë; dhe sidomos, cila është e fshehta që ajo mban përbrenda dhe bën çmos të mos ia marrë vesh askush? I konsideruar si një prej kryeveprave të Irène Némirovskit, romani “Jezabel” rindërton gjithë jetën aventuroze të Gledis Eizenahut, duke na shoqëruar nëpër të shkuarën e saj në Londër, Nju Jork, Paris e Nisë, deri në fundin e saj tragjik.