Leksikon I Termave Te Gjuhesise Kognitive

Leksikoni i termave të gjuhësisë kognitive i prof. dr. Emin Krasniqit në radhë të parë është në interes të gjuhësisë kognitive. Leksikoni i termave të gjuhësisë kognitive është hartuar me një përkushtim e profesionalizëm. Hartimi i këtij leksikoni është rezultat i punës dhe i përpjekjeve disavjeçare të autorit. Ky leksikon është një bazë e mirë për hulumtime dhe studime të mëtejme në fushë të gjuhësisë kognitive. Konstatojmë se ky leksikon i termave të gjuhësisë kognitive pa dyshim paraqet një kontribut me vlera të çmueshme leksikore, terminologjike dhe metodologjike. Leksikoni me nocionet e shprehjet autentike të kësaj fushe paraqet një leksikon tipik, i cili do ta pasurojë leksikun dhe terminologjinë e gjuhësisë shqiptare.