Dita Kur Ngjyrat Ngriten Krye

Ky është libri i parë i shkruar nga Drew Daywalt në bashkëpunim me krijuesin e mirënjohur të librave me ilustrime, Oliver Jeffers, i cili e veshi plot ngjyra këtë histori imagjinare, që do t’i bëjë fëmijët të argëtohen e të luajnë me ngjyrat e tyre siç nuk kanë bërë kurrë më parë.
I shkreti Dunkan kishte dëshirë të ngjyroste. Por, ç’të shihte?! Sapo hapi kutinë e tij të ngjyrave, gjeti në të veç letra me të njëjtin mbishkrim: Heqim dorë!
Bezha është e lodhur nga të qenët përherë nënhija e Kafes. Kaltëroshi kërkon pak pushim pas ngjyrosjes së gjithë atij uji, ndërkohë që Roza është mërzitur nga të ndenjurit kot. Gjelbërushi s’ka asnjë pakënaqësi, kurse Portokalli dhe Verdhacuku nuk i flasin më me gojë njëri-tjetrit.
Çfarë do të bëjë vallë Dunkani?