Majat E Shales

Nuk do ta merrja këtë libër tepër seriozisht. Kjo nuk është një përpjekje për të zgjidhur një pe në nyjen ballkanike; nuk është studim mbi popujt primitiv; nuk ëshë kontribut për dijen njerëzore dhe shpresoj se asnjeri nuk do ta lexojë për ta përmirësuar trurin e vet.
Kjo duhet të lexohet ashtu siç janë përjetuar aventurat në të, me një ngarendje të hareshme të mendjes, me një shije për popuj të huaj dhe shtigje të panjohura dhe me një kënaqësi për të papriturën.
Këtu po u jap vetëm atë që kam parë, ndier dhe sidomos që kam mësuar në baritjet në mesin e fiseve në brendi të maleve veriore shqiptare. Madje, kjo nuk është as e tërë Shqipëria, ai vend i vogël, tepër i vogël edhe për ta gjetur në çdo hartë.
Ky nuk është as një fragment i kësaj bote të gjerë, tjetërfare dhe romantike, që ua sjell me vete një shtegtare atyre që rrinë në shtëpi.