Letrat Turke

6. Ky është një libër interesant në shumëçka dhe për lexues të shumtë, sidomos për historianët shqiptarë që studiojnë historinë e popullit shqiptar gjatë shekujve XV-XIX. Në të shtjellohen refleksione analitike për mekanizmat e funksionimit të shoqërisë, dhe sidomos të shtetit osman, gjatë viteve të sundimit të Sulejmanit të Madhërishëm. Argumentohet në mënyrë të detajuar, ideja se shteti osman u konsolidua edhe në sajë të zbatimit me korrektësi të parimit të meritokracisë, si parim me bazë kuranike, në ndërtimin dhe funksionimin e administratës shtetërore, civile dhe ushtarake. Për këtë dhe çështje të tjera ky libër përcjell mesazhe me vlerë aktuale edhe për shoqërinë shqiptare të ditëve tona.