Histori E Ekonomise Boterore

Në këtë libër klasik trajtohet gjerësisht historia e ekonomisë që nga periudha parahistorike e deri në ditët tona, si dhe hulumtohet pabarazia e shpërndarjes së pasurisë midis shteteve të ndryshme. Në këtë botim të katërt të përditësuar, Histori e ekonomisë botërore, pasqyrohen qartë ndryshimet rrënjësore në ekonominë botërore. Ky botim i ri mund të quhet historia përfundimtare e globalizimit, që është zgjeruar për të përfshirë zhvillimet më të fundit në Bashkimin Europian, Azinë Lindore dhe në përgjithësi, në vendet që janë duke përjetuar një periudhë tranzicioni në ekonomitë e tyre. Kjo përmbledhje përfshin një larmi shembujsh, si dhe një Bibliografi të komentuar, tërësisht të përditësuar, çka shërben si një udhëzues drejt një literature tejet të përshtatshme. Tashmë në dymbëdhjetë gjuhë, kjo vepër unike mbetet një tekst i rrallë, i shkruar me kujdes dhe lehtësisht i kuptueshëm si për studentët e padiplomuar, ashtu edhe për të diplomuarit në degën e historisë së ekonomisë europiane, të historisë së globalizimit dhe të zhvillimit botëror.