Imperium

Kapuscinski këtu tregon për ish – republikat sovjetike. Gjërat e tyre më të veçanta në doke e zakone, nuk mungon as historia e secilës. Tregon jo pak edhe për Moskën dhe moskovitët. Të gjitha në trajtën e refleksioneve vetjake, fryt i udhëtimeve në kohë të ndryshme. Kritika ka vërejtur në këtë libër (lexuesi do t'i hasë ato) "përcaktime të njimendta të paartikuluara më parë për regjimin tashmë të kapërcyer edhe në këtë pjesë të botës".
I lindur më 1932, i diplomuar për histori, Ryszard Kapuscinski nderohet si një ndër lëvruesit më të spikatur të reportazhit politik. Ka udhëtuar shumë, si gazetar ka qenë në më shumë se 100 vende, kryesisht në Afrikë dhe në Amerikën Latine. Për rrjedhojë ka përftuar një bagazh të pashoq përjetimesh dhe dijesh.
John le Carrè e krahason atë me Gabriel Garcia Marquez: "Nëse Marquez është magjistari i realizmit magjik, Kapuscinski në të njëjtën shkallë është çudibërësi i reportazhit politik".