Virgjereshat E Vivaldit

Në Venecian e shekullit të tetëmbëdhjetë, qytetin e maskave, të muzikës dhe mëkatit, asgjë nuk është ashtu si duket. Një foshnjë e braktisur rritet mes jetimëve të Ospedale della Pietà-së. Dhe ajo është një muzikante me talent të jashtëzakonshëm. Është Anna Maria dal Violin, nxënëse e Priftit të Kuq të Venecias, Antonio Vivaldit. Pasi i japin bojë dhe letër dhe i thonë t'i shkruajë nënës së saj, ajo nis të rrëfejë vetveten. E ngujuar brenda mureve të ospedale-s, në pallatet e ndaluara të Venecias, në Geton çifute dhe në botën tunduese dhe sensuale të Karnavaleve ajo përpiqet të gjejë se kush është dhe nga vjen. Ajo takon dashurinë dhe mëson të njohë thellësinë e mizorisë. Duket se gjithkush rrotull saj ka një sekret. Edhe Antonio Vivaldi.