Homeland Ii Special

Botimi i Homeland II me nje kapak special se bashku me albumin.
Vendet kanë diçka të përbashkët me hënën. Ato kanë gjithnjë një anë tjetër, një anë që njerëzit ose nuk e njohin fare ose që e kanë parë fare pak duke u munduar shume. Shqipëria nuk ka se si të bëjë përjashtim. Anët e panjohura të realitetit kërkojnë njerëz kureshtarë, të fortë, entuziastë, të mbushur plot besim dhe mbi të gjitha, të karikuar me një dashuri të pafund për jetën dhe natyrën. Në të shkuarën, këta njerëz që udhëtonin pa u lodhur ndër territore të panjohura, të pashkelura e drejt horizonteve të reja duke sfiduar mundimet dhe në një farë kuptimi edhe vetveten, quheshin “pionierë". Këta njerëz ndiejne instinktivisht se jeta nuk është gjë tjetër veçse një itinerar udhëtimi. Vetë akti lindjes është një zhvendosje nga një vend në një tjetër, nga një gjendje në një tjetër. Këtij akti nuk i shpëton askush, qoftë edhe me përtaci i mundshëm. Verë bota udhëton, zhvendoset, rrotullohet, ndryshon dritë, temperaturë, pamje. Mirëpo në udhëtimin e përgjithshëm global, disa dalin më në pah e të tjerë presin me nge që bota të kryejë rrotullimin e saj prej 365 ditësh. "Pionierët" nuk presin, ata udhëtojnë vazhdimisht, përherë. Lëvizja është jeta e tyre. Ndalesa, për ta është asfiksi.