Albumi I Tiranes - Tirana 100 Vjet Kryeqytet

Albumi është një udhëtim fotografik, jo një studim historik. Imazhet ndjekin radhen, si ngacmim për perceptime të pakushtëzuara nga fjala. Kushdo është i lirë të ketë gjykimin e tij, i pabezdisur nga përkufizime subjektive. Fragmentarizimet e pakta i shërbejnë vetem orientimit praktik, të domosdoshme për ndarjen lehtësuese në shikimin e albumit.
Fotografitë e përzgjedhura me kujdes - një proces pune i lodhshem dhe me dilema të pashmangshme në orvatjen për përsosuri - flasin vetë, në të vërtetë, jo rrallë flasin shumë më shkoqur se ç'mund të thoshte një tekst për to. Kjo zgjedhje shmang një kategori kritikash të pritshme, të bazuara në qasje të ndryshme. Nuk i
shmang sigurisht të tëra, sepse nuk mund të pretendohet të ketë botim të cilit t'i mungojë fare
kritika. Njëkohësisht, zgjedhja i jep jetëgjatësi dhe përdorshmëri të gjerë albumit.